(POEM )A GIRL TO MOM

A Girl to her Mom :

Maa mujhe dar lagta hai..
bahut dar lagta hai...

Suraj ki Roshni Aag si lagti hai..
Paani ki Boondain bhi Tejaab si lagti hain....

Maa Hawa main bhi zehar sa ghula lagta hai...
Maa mujhe chhupa le bahut dar lagta hai...

Maa yaad hai wo kaanch ki Gudiya
jo Bachpan main tuti thi...

Maa kuch aise hi aaj main toot gayi hu...
Meri galti kuch bhi na thi Maa fir
bhi khud se ruth gai hu....

Maa bachpan main school teacher ki
gandi Nazaro se dar lagta tha...
Padsos ke chacha k Napaak iraadon
se dar lagta tha...

Maa wo nukkad ke ladko ki be khouf
baaton se dar lagta hai..
or ab Boss k wahshi isharon se dar
lagta hai...

Maa mujhe chupa le..
bahut dar lagta hai :( ....

Maa tujhe yaad hai tere angan main
chidiya si fudak rahi thi..
Thokar kha k main zameen par gir
padi thi..

Do boond khoon ki dekh ke Maa tu
bhi ro padi thi...

Maa tune toh mujhe phoolon ki
tarah pala tha..
Un darindo ka aakhir maine kya
bigada tha...

Kyu wo mujhe is tarah masal k chale
gaye...
Bedard meri rooh ko kuchal k chale
gaye.....

Maa tu toh kehti thi apni gudiya ko
dulhan banayegi...
Mere is jeewan ko khushiyo se
sajayegi....

Maa kya wo din zindgi kabhi na
layegi...
Maa kya ab tere gher barat na
aayegi ??

Maa khoya hai jo maine kya firse
kabhi na paungi ?? 
Maa saans toh le rahi hu..
kya zindgi jee paungi??

Maa ghurte hain sab alag hi nazaron se...
Maa mujhe un nazaron se chupa le....

Maa bahut dar lagta hai mujhe
Aanchal main Chhupa le...
Maa
AANCHAL MAIN CHUPA LE....